“ბაიდენის ადმინისტრაციამ რუსეთთან ესკალაციის შიშით უკრაინას უპილოტო თვითმფრინავები არ გადასცა”

პრეზიდენტ ბაიდენის ადმინისტრაციამ უარი თქვა უკრაინისთვის Grey Eagle უპილოტო თვითმფრინავების მიწოდებაზე, აშშ-ს პრეზიდენტის ადმინისტრაციას სიტუაციის ესკალაციის ეშინია.

უკრაინა არ მიიღებს Grey Eagle MQ-1C უპილოტო თვითმფრინავებს აშშ-დან. აშშ-ის პრეზიდენტის ჯო ბაიდენის ადმინისტრაცია მიიჩნევს, რომ ასეთი დახმარება კონფლიქტის ესკალაციას გამოიწვევს. The Wall Street Journal აღნიშნავს, რომ კონგრესის წევრებმა ბაიდენის ადმინისტრაციას უკრაინაში საშუალო სიმაღლეზე მფრინავი უპილოტო თვითმფრინავების, მათ შორის Grey Eagle MQ-1C გადატანა მოუწოდეს.

როგორც The Wall Street Journal-ს წყაროებმა განაცხადეს, მათ ამ საკითხზე პრეზიდენტის ადმინისტრაციას დადებითი გადაწყვეტილება არ მიუღია.
”ეს ართმევს უკრაინას თანამედროვე იარაღის გამოყენების საშუალებას, რომელსაც კიევი მრავალი თვის განმავლობაში ითხოვდა. პენტაგონმა ეს მოთხოვნა იმის შიშით უარყო, რომ Grey Eagle MQ-1C უპილოტო თვითმფრინავების უკრაინისთვის მიწოდებამ შეიძლება კონფლიქტის ესკალაცია გაუწიოს, ვინაიდან ზემოდაღნიშნულ სისტემებს რუსეთის ტერიტორიაზე მიზნის განადგურება შეუძლიათ. აშშ-ს არ უნდა მოსკოვს გაუგზავნოს სიგნალი, რომ აშშ უკრაინას ასეთ იარაღზ აწვდის.“, – ნათქვამია სტატიაში.უკრაინაში რუსეთის სრულმასშტაბიანი შეჭრის პირველივე დღიდან ვაშინგტონი ყველა სახის დახმარებას უწევს კიევს, მათ შორის სამხედრო სფეროშიც.
4 ნოემბერს, შეერთებულმა შტატებმა ახალი დახმარების პაკეტის შესახებ განცხადება გააკეთა. დახმარება ჯამში 400 მილიონი დოლარია, რომელიც, სხვა საკითხებთან ერთად, უკრაინისთვის 250 ერთეული M1117 ჯავშანტრანსპორტიორს, 40 ერთეული ჯავშანსატანკო ნავს და 1100 Phoenix Ghost თვითმფრინავის გადაცემას ითვალისწინებს.
გარდა ამისა, შეერთებული შტატები და ნიდერლანდები შეთანხმდნენ, რომ T-72 ტანკების აღდგენა დააფინანსონ. ტანკები ჩეხეთის რესპუბლიკაში ინახება. ამ პროგრამის თანახმად, უკრაინა 90 ტანკს მიიღებს, ზოგიერთ მათგანს წლის ბოლომდე ჩაიტანენ უკრაინაში.
უკრაინამ შეერთებულ შტატებს სთხოვა დამატებითი საჰაერო თავდაცვის სისტემების გადაცემა ირანული კამიკაძე თვითმფრინავების წინააღმდეგ საბრძოლველად, რომლებითაც რუსეთი კრიტიკულ ინფრასტრუქტურას უტევს.