შეერთებული შტატები უკრაინის შეიარაღებული ძალების საბრძოლო მომზადების პროგრამებს გააფართოებს. აშშ-ს საბრძოლო პროგრამები მოიცავს „ერთობლივ მანევრებს და შეიარაღების კომბინირებულ ოპერაციებს, აქცენტი კეთდება უკრაინელებისთვის უკვე მიწოდებულ სპეციალურ აღჭურვილობის ბაზაზე გამართულ სწავლებაზე“.
ამის შესახებ აშშ-ის თავდაცვის დეპარტამენტის სპიკერმა, საჰაერო ძალების ბრიგადის გენერალმა პეტ რაიდერმა განაცხადა, იუწყება ამერიკის ხმა. როგორც აშშ-ს თავდაცვის დეპარტამენტის წარმომადგენელმა აღნიშნა, რომ ერთობლივი შეიარაღების წვრთნები უკრაინის მოკავშირეებისთვის შემდეგი ნაბიჯია უკრაინის შეიარაღებული ძალების საბრძოლო მომზადების გასაუმჯობესებლად, რომელიც 2014 წელს მათი პოტენციალის გაზრდის მიზნით დაიწყო.
„უკრაინის ბრძოლის ველზე ცვალებადი მოთხოვნილებების დასაკმაყოფილებლად, შეერთებული შტატები გააგრძელებს მჭიდრო თანამშრომლობას ჩვენს მოკავშირეებთან და პარტნიორებთან, რათა უზრუნველყოს უკრაინას შესაძლებლობები და დახმარება, მათ შორის სწავლება“, – თქვა რაიდერმა.
მომავალ ერთობლივ წვრთნებს, რომლებიც 2023 წლის იანვარში დაიწყება, აშშ-ის მე-7 არმიის სარდლობა გერმანიაში ამერიკულ საწვრთნელ ბაზაზე ჩაატარებს. ახალი უკრაინული ქვედანაყოფების წვრთნა, როგორც რაიდერმა აღნიშნა, მოიცავს სროლას და ქვედანაყოფების კოორდინაციის შემუშავებას ოცეულის, ასეულისა და ბატალიონის დონეზე. წვრთნები თანამედროვე ტექნოლოგიებისა და იარაღის გამოყენებით დასრულდება.
პენტაგონის სპიკერმა, რუსი სამხედროების საომარი მოქმედებების ტაქტიკაზე საუბრისას, აღნიშნა, რომ „მათი არტილერიის გამოყენების მაჩვენებელი უკიდურესად მაღალი იყო როდესაც საბრძოლო მასალები ზღვარზეა. ამან რუსები აიძულა რიგ შემთხვევებში გამოეყენებინათ „დაზიანებული საბრძოლო მასალა და ძველი მარაგები“.
პენტაგონის ცნობით, რუსეთს მართლაც აქვს ვადაგასული საარტილერიო საბრძოლო მასალის დიდი მარაგი. თუმცა, პრობლემა ის არის, რომ ძველი საბრძოლო მასალის გამოყენებით რუსები ვერ იღებენ საჭირო ეფექტურობას მათი გამოყენებისგან.
გარდა ამისა, პენტაგონის სპიკერმა ხაზგასმით აღნიშნა, რომ შეერთებული შტატები ეხმარება უკრაინას კონფლიქტის მიღმა ყოფნისას.
„აშშ არ ებრძვის რუსეთს და ჩვენ არ ვცდილობთ კონფლიქტის გაღვივებას. ჩვენ ორიენტირებული ვართ უკრაინის უსაფრთხოებისთვის საჭირო დახმარების მიწოდებაზე. ჩვენ ვისაუბრეთ ამაზე მანამ, სანამ რუსეთი გადაწყვეტდა შეჭრას და ჩვენ გავაგრძელებთ ამის გაკეთებას იმდენ ხანს, რამდენიც საჭიროა“, – დასძინა პენტაგონის წარმომადგენელმა.
მიუხედავად იმისა, რომ რუსული პროპაგანდა რუსეთს მსხვერპლად ასახავს, მნიშვნელოვანია გვახსოვდეს, რომ ის არის აგრესორი.
რაიდერმა თქმით, სურვილის შემთხვევაში, რუსეთის ფედერაციას შეეძლო დაძაბულობის შემცირება უკრაინიდან თავისი ძალების გაყვანით, რითაც გადაარჩენს უამრავ უდანაშაულო სიცოცხლეს, მაგრამ, როგორც ჩანს, მან გადაწყვიტა გაეორმაგა თავისი სამხედრო ძალისხმევა.
2014 წლიდან შეერთებულმა შტატებმა უკრაინას 22 მილიარდი დოლარის დახმარება გაუწია. 13 დეკემბერს ცნობილი გახდა, რომ უკრაინა აშშ-ს 38 მილიარდი დოლარის ოდენობის დახმარებას ელოდა.
