ბელორუსის ჯარების შვიდი ბატალიონის არსებობა უკრაინის საზღვართან უკრაინის სარდლობას აიძულებს იმოქმედოს ადეკვატურად და გააძლიეროს დაზვერითი ოპერაციები. სამხედრო თვალსაზრისით ბელორუსის არმიის უკრაინის ტერიტორიაზე შემოჭრის საფრთხე რჩება. თუმცა, ლუკაშენკას მონაწილეობა ომში ჯერჯერობით ნაკლებად სავარაუდოა. ამის შესახებ სამხედრო ტელევიზიასთან ინტერვიუში თავდაცვის სამინისტროს მთავარი სადაზვერვო სამმართველოს უფროსის მოადგილემ ვადიმ სკიბიცკიმ განაცხადა.
„დღეს არ არსებობს პირდაპირი საფრთხე ბელორუსიიდან, რადგან არ არის შექმნილი ჯარების დაჯგუფება, არ არის განლაგებული ამ დაჯგუფების სამეთაურო-საკონტროლო სისტემა. ეს არის საომარი მოქმედებების უშუალო მომზადების მთავარი ელემენტი. ”, – განმარტა მან.
მაგრამ, ბელორუსის ჯარების შვიდი ბატალიონის არსებობა საზღვართან აიძულებს უკრაინის სარდლობას იმოქმედოს ადეკვატურად, გააძლიეროს დაზვერვა. ” ეს ფაქტი უკრაინის შეიარაღებულ ძალებს აიძულებს გადაიტანოს რესურსები და სახსრები ჩვენი აღმოსავლეთის ფრონტიდან”, – თქვა სკიბიცკიმ.
“გარდა ამისა, ჯარების მუდმივი მოძრაობა მიზნად ისახავს ჩვენს დაძაბულობას. მუშავდება ცალკეული ელემენტები, ბელორუსის ტერიტორიიდან შესაძლო შეტევითი მოქმედებების ტაქტიკური ეპიზოდები”, – აღნიშნა მთავარი დაზვერვის სამმართველოს წარმომადგენელმა.
