მსოფლიოს საწყობებში არსებული ხორბლის მხოლოდ 10 კვირის მარაგი დარჩა. ამის მიზეზი უკრაიანში არსებული ომია, ასევე დეფიციტი გაამწვავა გასულ კვირას ინდოეთის მიერ ხორბლის ექსპორტის აკრძალვამ. ამის შესახებ გაეროს უშიშროების საბჭოს სასურსათო უსაფრთხოების ექსპერტმა, აგრარული ანალიტიკური კომპანია Gro Intelligence-ის აღმასრულებელმა დირექტორმა სარა მენკერმა განაცხადა.
”მინდა პირდაპირ ვთქვა, რომ რუსეთ-უკრაინის ომს სასურსათო უსაფრთხოების კრიზისი არ გამოუწვევია, მან მხოლოდ ცეცხლზე ნავთი დაასხა. კრიზისი, COVID-19 მდე ღმოვაჩინეთ. ასეთი რთულია მსოფლიოში არსებუკი საკვების მიწოდების ჯაჭვი, – თქვა მენკერმა.
მისი თქმით, „თუ ომი ხვალ დამთავრდება, სასურსათო უსაფრთხოების პრობლემა არ გაქრება“.
„მნიშვნელოვანია აღინიშნოს, რომ ამჟამად მსოფლიოში მარცვლეულის მარაგების ყველაზე დაბალი რაოდენობაა რაც ოდესმე ყოფილა. გამოწვევები დაკავშირებულია სასუქებზე ხელმოსვდომობის შეზღუდვთ. ნათესებისთვის განკუთვნილ მიწებზე გლობალური დათბობის მიერ გამოწვეული ყველაზე ექსტრემალური გვალვებია ბოლო 20 წლის განმავლობაში“- თქვა მენკერმა.
რუსეთი სასურსათო დერეფნის სანაცვლოდ მასზე დაკისრებული სანქციების გაუქმებას ითხოვს. ბრიტანეთის თავდაცვის მინისტრი მოუწოდებს დასავლეთს არ წავიდეს დათმობებზე და რუსეთის მოთხოვნას არ დასთანხდეს.
გასულ კვირას აშშ-ის სახელმწიფო მდივანმა ენტონი ბლინკენმა დაადანაშაულა რუსეთი უკრაინიდან ხორბლის ექსპორტის ბლოკირებაში, ბლინკენი ამტკიცებდა, რომ მოსკოვი ხორბალს ომის იარაღად იყენებდა.
CNN-ის ცნობით, აშშ და ევროპა უკრაინიდან მარცვლეულის გადატანის გეგმებზე მუშაობენ. კანადაც მზადაა დაეხმაროს ამ პროცესში.
Discussion about this post