საფრანგეთი არ გამოიყენებს ბირთვულ იარაღს რუსეთის წინააღმდეგ იმ შემთხვევაში, თუ მოსკოვი მსგავსი შეიარაღებით უკრაინას მიაყენებს დარტყმას, – ამის შესახებ საფრანგეთის პრეზიდენტმა, ემანუელ მაკრონმა frannce 2 -თან ინტერვიუში განაცხადა.ემანუელ მაკრონი – საფრანგეთი არ გამოიყენებს ბირთვულ იარაღს რუსეთის წინააღმდეგ იმ შემთხვევაში, თუ მოსკოვი მსგავსი შეიარაღებით უკრაინას მიაყენებს დარტყმას . მაკრონის თქმით, საფრანგეთის დოქტრინა ეფუძნება ქვეყნის ფუნდამენტურ ინტერესებს და ის ნათლად არის გაწერილი. „უკრაინაზე ბირთვული სარაკეტო შეტევა რომ განხორციელებულიყო, ეს ინტერესები კითხვის ნიშნის ქვეშ არ დადგებოდა“, – განაცხადა ემანუელ მაკრონმა. ჟურნალისტის კითხვაზე, რომ ეს არ გამოიწვევს საფრანგეთის ბირთვულ პასუხს, მაკრონმა უპასუხა: „აშკარაა.“ „ფრანგებს ყოველთვის სიმართლეს ვეუბნებოდი. რუსეთს ბირთვული იარაღი აქვს. ისევე, როგორც საფრანგეთს. ჩვენი დოქტრინა ამ საკითხთან დაკავშირებით ნათელია. შეკავება მუშაობს. რაც უფრო ნაკლებად ვსაუბრობთ ამაზე, მით უფრო მეტი ნდობა გვაქვს. ძალიან ბევრი ადამიანი საუბრობს ამაზე“, – განაცხადა საფრანგეთის პრეზიდენტმა. ემანუელ მაკრონმა მხარი დაუჭირა უკრაინის საზღვრების აღდგენას 1991 წლის შესაბამისად და აღნიშნა, რომ მომავალში რუსეთის ფედერაციასთან მოლაპარაკება აუცილებელია. მაკრონის თქმით, უკრაინისა და რუსეთის ინტერესებშია მოლაპარაკებების მაგიდასთან დაბრუნება რაღაც მომენტში. „მიზნები ნათელია – 1991 წლის საზღვრების აღდგენა. ამიტომ, საკითხავია, მიიღწევა თუ არა ეს სამხედრო მიზნები მხოლოდ სამხედრო გზით. მხოლოდ იმიტომ, რომ ჩვენ ვაძლევთ მათ იარაღს, არ ნიშნავს, რომ ჩვენ შეგვიძლია, მათ ნაცვლად რამეს გადავწყვეტთ“, – აღნიშნა საფრანგეთის პრეზიდენტმა.
მაკრონმა ასევე განაცხადა, რომ უკრაინა უახლოეს კვირებში საფრანგეთიდან მორიგ სამხედრო დახმარების კიდევ ერთ პარტიას მიიღებს.
მედიაში გავრცელბული მოსაზრების თანახმად, რუსეთის ბირთვული დარტყმა, სავარაუდოდ, გამოიწვევს კიევის მოკავშირეების და – პოტენციურად – ჩრდილოატლანტიკური ალიანსის “ფიზიკურ პასუხს”.
როგორც ნატოში აცხადებენ, ჯერჯერობით არ უნახავს რაიმე ნიშანი იმისა, რომ რუსეთი ბირთვული იარაღის შესაძლო გამოყენებისთვის ე,ზადება.
