northkorea

ჩრდილოეთ კორეა ორბიტაზე სადაზვერვო თანამგზავრების გაყვანას აპირებს

4 mins read

ხუთშაბათს, სახელმწიფო მედიის ცნობით, ჩრდილოეთ კორეის ლიდერმა კიმ ჩენ ინმა განაცხადა, რომ მომდევნო წლებში ქვეყანა ბევრ სადაზვერვო თანამგზავრს გაუშვებს, რათა შეერთებული შტატების და მისი მოკავშირეების სამხედრო ქმედებებზე ინფორმაცია მიმდინარე დროში მიიღოს.

ჩრდილოეთ კორეის ეროვნული აეროკოსმოსური განვითარების სააგენტოს შემოწმებისას, კიმმა თქვა, რომ გასულ წელს გამოცხადებული ხუთწლიანი გეგმის ფარგლებში, შესაძლოა მზის სინქრონულ ორბიტაზე „ბევრი“ სამხედრო სადაზვერვო თანამგზავრი გაიყვანონ.

როგორც ჩანს, ჩრდილოეთ კორეა სადაზვერვო თანამგზავრის გაშვებას აპირებს, რაც ექსპერტების აზრით, შესაძლოა ისეთივე წინააღმდეგობრივი აღმოჩნდეს, როგორც ატომური იარაღის მქონე ქვეყნის მიერ იარაღის გამოცდები, რადგან ორივე შემთხვევაში აკრძალული ბალისტიკური სარაკეტო ტექნოლოგია გამოიყენება.

ჩრდილოეთ კორეა ამბობს, რომ 27 თებერვალს და 5 მარტს თანამგზავრის სისტემების ორი გამოცდა ჩაატარა. სამხრეთ კორეის, იაპონიის და შეერთებული შტატების მთავრობები აცხადებენ, რომ გამოცდები ბალისტიკური რაკეტების გაშვებას შეიცავდა.

ჩრდილოეთ კორეის მიერ კოსმოსისკენ რაკეტების ადრინდელი გაშვებები შეერთებულმა შტატებმა და მისმა მოკავშირეებმა დაგმეს, როგორც გაეროს უშიშროების საბჭოს რეზოლუციების დარღვევა. გაეროს რეზოლუციებით ჩრდილოეთ კორეას, ბირთვული და სარაკეტო პროგრამების გამო, სანქციები აქვს დაწესებული.

ამერიკის ხმა

READ  სტრატეგიულად რუსეთმა ომი უკრაინასთან წააგო

კომენტარის დატოვება