რუსეთის ქმედებებმა უკრაინელებს 9 მაისი და საბჭოთა ნოსტალგია გაუქარწყლა

პუტინის ქმედებებმა ხელი შეუწყო უკრაინის საზოგადოების „დერუსიფიკაციას“, აცხადებენ სოციოლოგები. უკრაინელების აბსოლუტური უმრავლესობა – 87% – არ ნანობს საბჭოთა კავშირის დაშლას. ამის შესახებ სოციოლოგიური ჯგუფის „რეიტინგის“ მიერ აპრილის ბოლოს ჩატარებული კვლევის მონაცემებშია ნათქვამი.
წლების განმავლობაში უკრაინაში ჩატარებული სოციოლოგიური კვლევების ისტორიაში, სსრკ-ს დაშლისადმი ნოსტალგიის ყველაზე დაბალი მაჩვენებელი დაფიქსირდა უკრაინაში რუსეთის შეჭრის შემდეგ. თუმცა, ეს ტენდენცია ბოლო 10 წლის განმავლობაში შესამჩნევად იკლებს, იუწყება რეიტინგი.
სოციოლოგების დასკვნით, “დეკომუნიზაცია” და “დერუსიფიკაცია” იმიტომ მოხდა უკრაინულ საზოგადოებაში, რომ უკრაინის წინააღმდეგ ომში რუსული პროპაგანდა აქტიურად იყენებს საბჭოთა სიმბოლოებს და გამუდმებით სპეკულირებს “საერთო” ისტორიულ წარსულზე.
ასევე, უკრაინელების დამოკიდებულების გადაფასება მოხდა ფაშისტურ გერმანიაზე გამარჯვების ამღნიშვნელი თარის 9 მაისისადმი. 2022 წელს გამოკითხულ უკრაინელთა 36%-ისთვის დღესასწაული გადავიდა „წარსულის ნარჩენებზე“, 23%-ისთვის კი „ჩვეულებრივში“.
9 მაისს თარიღი გამოკითხულთა 80%-ისთვის ეს არის ხსოვნის დღე, ხოლო მხოლოდ 15%-ისთვის – გამარჯვების დღე.
ამავდროულად, გამოკითხულთა 78% აფასებს უკრაინელი ხალხის წვლილს ნაციზმზე გამარჯვებაში, ხოლო 67% დარწმუნებულია, რომ სწორედ უკრაინამ შეიტანა უდიდესი წვლილი ნაცისტურ გერმანიაზე გამარჯვებაში.
ამერიკელი და დასავლელი ოფიციალური პირების თქმით, პუტინს შეუძლია ოფიციალურად გამოუცხადოს ომი უკრაინას 9 მაისს, რაც საშუალებას მისცემს რუსეთის სარეზერვო ძალებს სრულად მობილიზებულიყვნენ აღმოსავლეთ და სამხრეთ უკრაინის დაპყრობის მცდელობისას.
ამავდროულად, ლუგანსკის OVA-ს ხელმძღვანელმა სერგეი გაიდაიმ იმ დღეს რუსული ჯარების მიერ რეგიონის დაბომბვის გაზრდა იწინასწარმეტყველა.
მოსკოვის სადღესასწაულო აღლუმს არც ერთი უცხოელი ლიდერი არ დაესწრება, არც პუტინის მეგობარი, ბელორუსის დიქტატორი ალექსანდრე ლუკაშენკო.