Bloomberg-მა ივანიშვილი სიიდან ქონების $3.6 მლრდ-მდე შემცირების გამო ამოიღო. პლატფორმის შეფასებით, ივანიშვილმა აპრილის 3 კვირაში 3.2 მილიარდი დაკარგა. წერს bm.ge
საქმე ის არის, რომ “ქართული ოცნების” დამფუძნებელი და ბიზნესმენი ბიძინა ივანიშვილი Bloomberg-ის 500 მილიარდერის სიაში აღარ იძებნება, თუმცა Bloomberg-ის ტერმინალში ჩანს, რომ ივანიშვილის ქონებას პლატფორმა ისევ ითვლის და მისი ქონების შეფასება 3.6 მლრდ აშშ დოლარია.
Bloomberg-ის მილიარდერთა რეიტინგში პლანეტის 500 ყველაზე მდიდარი ადამიანია წარმოდგენილი. თუ ქონება 6.3 მლრდ-ზე ნაკლებია, პირი სიას ტოვებს.
2024 წლის 27 დეკემბერს, შეერთებული შტატების სახაზინო დეპარტამენტმა სანქციები დაუწესა მილიარდერ ექსპრემიერ ბიძინა ივანიშვილს, არის თუ არა სანქციების გავლენა ივანიშვილის ქონების შემცირება ყველა პლატფორმაზე BM.GE ივანიშვილის პარტიასა და თავად საერთაშორისო პლატფორმებთან ცდილობს გაარკვიოს.
შეგახსენებთ, რომ მილიარდერების ინდექსი განაახლა Forbes-მაც, სადაც ბიძინა ივანიშვილის ქონება 2.7 მილიარდ დოლარამდე შეამცირა, რითაც ის რეიტინგში 1299-ე ადგილს იკავებს. მაშინ როდესაც 2024 წლის რეიტინგში 4.9 მილიარდი დოლარით იყო შეფასებული. განმარტებაში არ არის მითითებული თუ რამ განაპირობა ივანიშვილის ქონების შეფასების ასეთი მკვეთრი შემცირება.
აპრილის პირველ კვირაში ივანიშვილის კაპიტალს Bloomberg-ი $6.83 მილიარდად აფასებს, რითაც მსოფლიოს მილიარდერს შორის 418-ე ადგილზე იყო.
Discussion about this post